ВИДЕО: Зөвөөр нөлөөлье

0
7

Хүүхэд залуусыг #Цахим орчин дахь гэмт хэрэг, зөрчил, эрсдлээс урьчилан сэргийлэх, хамгаалах, нийгмийн сүлжээний зохистой хэрэглээг төлөвшүүлэхэд чиглэсэн “#Зөвийг Түгээе” аяныг Харилцаа холбоо, мэдээллийн технологийн газар, Гэмт хэргээс урьдчилан сэргийлэх ажлыг зохицуулах зөвлөл, Цагдаагийн ерөнхий газар, НҮБ-ын Хүүхдийн сан, “Faro foundation Mongolia” ТББ хамтран эхлүүллээ. Тус аянд нэгдэцгээе.

Зөвөөр нөлөөлье

Нийгмийн сүлжээ нь даган дуурайх орон зай юм. Шинэ хандлага, давалгаа, мэдээ мэдээлэл хаана хамгийн хурдан хүчээ аван тархаж, нөлөөллөө өгч байгаа билээ. Энэ утгаараа нийгмийн сүлжээ нь олон нийтийг зохион байгуулахад хялбар хирнээ хүчирхэг платформ болоод байна. Тиймээс зөв зүйлд уриалж, эерэг хандлагыг идэвхжүүлж, нийгэмдээ сайн сайхан бүхнийг авчрахад ашиглаарай.

Нийтийн WIFI-д нэгдэх нь бүх мэдээллээ алдахтай ижил

Нийтийн номын сан, үзвэр үйлчилгээний газар, кофе шоп зэрэг олон нийтийн газар нэвтрэх нууц үг нэхээгүй wifi  сүлжээнд холбогдохоос зайлсхийгээрэй. Нэвтрэх нууц үг шаарддаггүй Wi-Fi сүлжээ нь ямар ч хамгаалалтүй байдаг бөгөөд холбогдсон тохиолдолд тухайн сүлжээнд байгаа бусад хүмүүс бидний мэдээллийг харж чадна гэсэн үг. Тэр бүү хэл бидний мэдээллийг хулгайлах эсвэл хийж байгаа үйлдэл бүрийг хянаж байх өндөр магадлалтай.

Цахим орчинд бусдад хэрхэн харагдах нь таны шийдвэр

Өнөөдөр бид бодит болон цахим гэсэн хоёр зэрэгцээ орчин, орон зайд амьдарч байна. Бодит амьдрал дээр хэн байх нь цахим орчинд хамаагүй мэт санагдах боловч өөрийгөө бусдад хэрхэн харагдуулах, дүгнүүлэх нь таны шийдвэрээс шууд хамаардаг. Өөрөөр хэлбэл нийтэлсэн зураг, дагасан пэйж, үүсгэсэн групп, таалагдсан сэдэв үйл явдал, бичсэн сэтгэгдэл, таагласан найз нөхөд зэргээр таныг хэн бэ гэдгийг төвөггүйхэн уншиж болно. Тиймээс аливаад нухацтай, болгоомжтой хандаж, цахим орчинд өөрийгөө зөвөөр бүтээцгээе.

ХАРИУ ҮЛДЭЭХ

Please enter your comment!
Please enter your name here