Зам хаасан шийдвэрийг 2020.03.02-ыг хүртэл СУНГАХ ЧИГЛЭЛ өглөө

0
137

Монгол Улсын Засгийн газар коронавирусын халдвараас урьдчилан сэргийлэх цогц асуудлаар хуралдаж дууслаа.

Ерөнхий сайд болон Засгийн газрын хуралдаанаас Орон нутгийн зам, Улаанбаатар руу орох, гарах урсгалыг хязгаарласныг 2020 оны гуравдугаар сарын 2-ныг хүртэл сунгах чиглэлийг Улсын Онцгой комисст өглөө.

Хэрэв хязгаарлалтыг сунгавал хөдөө, орон нутаг руу явсан хүмүүс нийслэлийн хаягтай бол иргэний үнэмлэх, холбогдох бичиг баримтыг үндэслэн нэвтрүүлэх зэрэг зохицуулалт хийх бололтой.

Мөн Ерөнхий сайд У.Хүрэлсүх Монгол, Японы хооронд үйлдэж буй нислэгүүдийг цуцлах, бусад арга хэмжээг цаг алдалгүй авах чиглэл өглөө.

Улсын Онцгой комиссын 2020.02.20-ны өдрийн хуралдаанаас “Сар шинийн өдрүүдэд буюу хоёрдугаар сарын 23-ны 08.00 цагаас 27-ны 08.00 цаг хүртэл улс, хот хоорондын тээврийг зогсоох” шийдвэр гаргаж, баярын өдрүүдэд хэрэгжүүлж буй. Энэ хугацаа маргааш дуусах ба коронавирусын халдвар, сэжигтэй тохиолдлоос сэрэмжлэх үүднээс хугацааг сунгах эсэх асуудлыг одоо хэлэлцэх гэж байна.

Улсын Онцгой комисс яг одоо үргэлжлүүлэн хуралдана.