Дотор өөх ихтэй элэгний өөхлөлтэй бол эдгээр хүнсийг хэрэглээрэй

Элэгний хорт хавдар сүүлийн жилүүдэд хэт залуужсанг та бүхэн надаар хэлүүлтгүй мэдэж буй. Хамгийн сүүлийн жишээ жүжигчин Ц.Ганбаяр элэгний хорт хавдраар өвчилж эмчилгэлээ хийлгэж байсан ч сүүлийн шатанд орсон байснаар бурхан болсон. Тэрээр элэг шилжүүлэн суулгах хагалгаанд орох байсан ч эрт илрүүлээгүй, хэт оройтсон байсан юм.

Тэгвэл уншигч та өөртөө хайртай байж, урьдчилан сэргийлэх, эрт илрүүлэг шинжилгээнд ядаж жилдээ нэг удаа орж байгаарай. Энэ нь эрүүл мэнд, эдийн засагт ч ихээхэн хэмнэлт болж, сэтгэл амар, аз жаргалтай амьдралын гол түлхүүр юм.

Ингээд элэг гэдэг эрхтний 5-10 хувьд нь өөхтэй байх ёстой байдаг. Өөхний хэмжээ 10 хувиас дээш байгаа тохиолдолд элэгний өөхлөлттэй гэж үздэг. Элэгний өөхлөлт нь архины болон архины бус шалтгаантай байдаг. Архины бус шалтгаант элэгний өөхлөлт гэдэгт хэт тарган жин ихтэй, чихрийн шижин өвчтэй, даралт ихэсдэг, генетикийн гаралтай өөрчлөлтүүд багтдаг.

Харин генетикийн шалтгаант гэдэг нь төрөлхийн, удамшлын хүчин зүйл нөлөөлсөн байдаг.

Тухайлбал, хүүхэд төрүүлээд дараа нь элэгний өөхлөлттэй болсон хүмүүс их байдаг. Энэ нь тухайн хүн удамшлын элэгний өөхлөлттэй байсан гэсэн үг юм.

Элэгний өөхлөлт нь элэгний хатуурал цаашлаад церози болох анхдагч хүчин зүйл болдог. Нэг үгээр хэлбэл, элэгний өөхлөлт нь элэгний хатуурлын эхний үе шат гэж хэлж болно. Элэгний хатуурал өөхлөлтөөс үүдэн, улмаар элэгний церози болдог. Энэ үед элэг солихоос өөр арга замгүй болдог.

Ямар ч насны хүн жилдээ нэг удаа элэгний оношилгоо хийлгэж, ЭХО-д харуулж байх хэрэгтэй. Учир нь элэг чимээгүй өвчилж, эцсийн шатандаа илэрдэг. Элэгний өөхлөлттэй эсэхээ мэдэхийн тулд хэт авиан оношилгоо, ЭХО, биохимийн шинжилгээ өгөх хэрэгтэй. Элэгний өөхлөлттэй байгаа тохиолдолд бусад өвчний адил эм ууж, эмчилгээ хийгээд алга болох боломжгүй байдаг.

Элэгний өөхлөлтийг багасгахад амьдралын хэв маягаа өөрчлөх, жингээ хасах , эрүүл хооллолт эмчилгээ болдог. Тиймээс хамгийн түрүүнд оношилгоо хийлгэж юунаас үүдэлтэй өөхлөлт байна вэ гэдгийг олж мэдэх хэрэгтэй.

Түүнийхээ дараа тохирсон эмчилгээ хийж, арга хэмжээ авах хэрэгтэй. Архинаас шалтгаалсан бол архиа багасгаж, таргалалтаас үүдэлтэй бол чихэрлэг зүйлээ багасгаж, жингээ хасах нь чухал.